Të mbijetuarit e Holokausti, thirrje të rinjve të votojnë në zgjedhjet evropiane
Tetë të mbijetuar të Holokaustit u kanë bërë thirrje të rinjve që të shfrytëzojnë të drejtën e tyre në të mirë të demokracisë.
“Për miliona prej jush, zgjedhjet evropiane janë të parat në jetë, për neve mund të jenë të fundit”, është thënë në letrën e hapur që ëshë publikuar në kryeqytetin gjerman, Berlin, të martën.
“Demokracia le të ketë një mundësi. Dilni dhe votoni. Të tregojmë së bashku që ‘Kurrë më’ nuk është vetëm frazë, por një premtim. Premtim që përmbushet edhe sot. Edhe nesër. Gjithmonë”.
Në mesin e nënshkruesve të letrës janë 102-vjeçari, Georg Stefan Troller, Leon Weintraub, Walter Frankenstein, Eva Szepesi, Ruth Winkelmann dhe Margit Korge.
Letra është nënshkruar edhe prej Renate Aris dhe Eva Umlauf, që e kanë përjetuar persekutimin nazist sa kanë qenë fëmijë.
Letra e hapur është titulluar “Kurrë më është tani”.
“Katër prej pesë familjarëve më të ngushtë, motrat, prindërit, kushërinjtë, janë vrarë. Vrasjet kanë qenë rezultat i qasjes ‘Ne jemi më të mirë sesa të tjerët, dhe pasojë e mendimeve radikale, e ksenofobisë. Kjo, fatkeqësisht, do të thotë që historia mund të përsëritet, por nuk duhet të përsëritet në asnjë mënyrë”, ka thënë Weintraub.
Zgjedhjet për Parlamentin Evropian do të mbahen në periudhën 6-9 qershor.
LEXONI GJITHASHTU:
Rubio: Grupi teknik për Iranin mblidhet sërish javën e ardhshme në Zvicër
Bill Gates: Epstein kishte ndërmend të më shantazhonte për lidhjet e mia jashtëmartesore
Irani eksporton 40 milionë fuçi naftë brenda qershorit
- 18:59 Rama poston videon: Bufi i kthyer në Flamingo
- 18:58 Rubio: Grupi teknik për Iranin mblidhet sërish javën e ardhshme në Zvicër
- 18:56 Bill Gates: Epstein kishte ndërmend të më shantazhonte për lidhjet e mia jashtëmartesore
- 18:55 Irani eksporton 40 milionë fuçi naftë brenda qershorit
- 18:48 Protesta në Tiranë hyn në ditën e 25-të, qytetarët pritet të mblidhen para godinës së Kryeministrisë
- 18:46 Zvicra rifillon pagesat për sistemin Patriot dhe kërkon edhe një sistem tjetër të mbrojtjes ajrore