“Kthimi nga planeti tjetër”- Dokumentari mbi Ka-Tzetnik në përkujtimin e Holokaustit

Me rastin e Ditës Ndërkombëtare të Përkujtimit të Holokaustit, edicioni i 15-të në Shqipëri, Ambasada e Izraelit në Shqipëri dhe Akademia e Filmit & Multimedias Marubi patën kënaqësinë të prezantojnë shfaqjen e dokumentarit, “Kthimi nga planeti tjetër” me regji të Assaf Lapid.

Te pranishëm ishin Ambasadore dhe familje të cilat kanë hapur dyert e shtëpisë për hebrenjtë gjatë Luftes së Dytë Botërore.

Dokumntari “Kthimi nga planeti tjeter’’ zhvillohet në vitin 1945, disa muaj pas lirimit nga Aushvici të Yechiel De-Nur, i cili ende me xhaketën e tij me vija, u ul dhe filloi të shkruante.

Pas dy javësh, ai rilindi si Ka-Tzetnik, “njeriu nga kampet”. Librat që ai shkroi u përkthyen në 32 gjuhë dhe u shitën me miliona, ndërsa vetë autori fshihej pas pseudonimit Ka-Tzetnik.

Në gjyqin e Adolf Eichmann në vitin 1961, ai e përshkroi Aushvicin si “planetin tjetër”, një vend jashtë gjykimit njerëzor.

LEXONI GJITHASHTU:

• Dita Ndërkombëtare e Përkujtimit të Holokaustit, historia e hebrenjve në Shqipëri
• “Lartësojnë tmerret e Holokaustit”, Australia ndalon simbolet naziste