Të moshuarit, probleme me shenjat e gishtave gjatë votimit në Vlorë

Gazetarja e Euronews Albania, Loneta Progni ishte në Vlorë, nga ku raportoi se gjatë xhiros në qendrat e votimit të këtij qytet janë evidentuar disa problematika.

“Ka pasur problem dhe me të moshuarit, kanë ndeshur probleme dhe me pajisjen e identifikimit biometrik pasi shpesh herë nuk ka njohur shenjën e gishtërinjve të tyre,” – sqaroi Progni.

Konflikti në një nga qendrat e votimit pranë Universitetit ishte një tjetër problematikë, ku mes sekretarëve dhe komisionerëve të Partisë Demokratike ka pasur një debat me një person që i ka bërë foto fletës së votimit. Gazetarja Progni tregoi se procesi është mbyllur për 30 minuta por më pas ka vijuar gjithçka normalisht.

Ndërkohë një tjetër problem ishte ai i mungesës së operatorit në shkollën “Jani Minga”, pasi njoftoi që ditën e djeshme se nuk do të jetë pjesë e procesit, duke lënë kështu jashtë funksionit edhe pajisjen për identifikimin biometrik. Gazetarja e Euronews Albania, njoftoi se procesi aktualisht po vijon manualisht.

LEXONI GJITHASHTU: 

• Tensionohet situata në Divjakë, sherr mes përfaqësueseve të PD, PS dhe LSI
• Ish-kryeministri Berisha: Votoni për emigrantët që regjimi në largim i bllokoi
• 70 të dënuar në burgun e Rrogozhinës votojnë, pjesa tjetër preken nga ligji i dekriminalizimit