Të nisen hetime për nxjerrjen e sekretit shtetëror? Përgjigjet ish-prokurori

Ish-prokurori, Besnik Muçi thotë se duhet të ketë një hetim në lidhje me nxjerren e të dhënave, të cilat përbëjnë sekret hetimor, duke iu referuar dosjes së Nuredin Dumanit.

Në emisionin “Sot” në “Euronews Albania”, Muçi u shpreh gjatë eskperiencës së tij profesionale, ka hasur çështje në të cilat kanë rrjedhur të dhënat.

“Padiskutim që duhen kryer hetime. Ndodhemi para faktit që kanë dale të dhëna të cilat janë sekrete hetimore. Ne kemi pasur raste kur na kanë dalë të dhënat e hetimit. Kemi pasur kur të dhënat që përbënin sekret hetimor, kanë dalë në qarkullim në media”, deklaroi ai.

Muçi nënvizoi se në hetimin e dosjes së Nuredin Dumanit, janë përfshirë shumë institucione, si Policia e Shtetit, SPAK dhe policia gjyqësore që është byroja e SPAK-ut.

SPAK-u ka nxjerrë një urdhër së fundmi drejtuar mediave për ruajtjen e sekretit, “ndalimin e publikimit të akteve dhe përmbajtjes së tyre”.

LEXONI GJITHASHTU

• Poli Hoxha për urdhrin e SPAK ndaj gazetarëve: Hetim kush nxjerr informacionet
• Protesta për çmimet, Ervin Goci: Do jem në çdo protestë kundër kësaj qeverie