Zv. kryeministrja Belinda Balluku deklaroi sot në Komisionin për Veprimtarinë Prodhuese se sa i takon Portit të Durrësit nuk ka asnjë përbërje të kompanive ofshore dhe të gjitha kompanitë janë të regjistruara në Republikën e Shqipërisë.
“Ju i dini sesi është bërë kjo kontratë dhe e dini sa transparente është. E dini që e ka ngritur në një nivel tjetër. Dua t’ju flas për veton e shtetit shqiptar se është e rëndësishme,” – tha Balluku.
Komisioni sot është zhvilluar me debate, kur ministrja e Energjisë dhe Infrastrukturës shpjegonte vazhdimisht pjesën e kompanive që do të marrin pjesë në ndërtimin e Portit Turistik të Durrësit, ndërsa deputeti i PD-së Luçiano Boçi ka kërkuar fjalën për procedura.
Deputeti i PS-së Arben Pëllumbi e kundërshtoi, madje debati shkoi deri në atë pikë, sa Pëllumbi paralajmëroi Boçin se do e nxirrte jashtë.
“Pa provoje njëherë,” – iu kthye ky i fundit.
LEXONI GJITHASHTU: