Të paktën 18 të plagosur nga shpërthimi i azotit të lëngshëm në Spanjë

Të paktën 18 persona u plagosën, njëri prej tyre në gjendje të rëndë, kur një kazan me azot të lëngshëm shpërtheu gjatë një mbledhjeje shkencore në Shtëpinë e Kulturës në Girona, Spanjë.

Mes të plagosurve janë 10 të mitur, një prej të cilëve në gjendje të rëndë, një vajzë pesëvjeçare, mëson RTVE.

Universiteti i Girona njoftoi se shpërthimi u shkaktua nga “një sasi e tepërt e avullit të ujit” dhe është një eksperiment që kryhet rregullisht në tubime shkencore si ky, që mbahen për të afruar shkencën me fëmijët.

Ky event, u organizua nga Universiteti i Girona-s, dhe u drejtua nga Dani Jimenez, i cili shpesh shfaqet në programet televizive për fëmijë.

Midis 200 dhe 300 persona morën pjesë, dhe audienca ishte kryesisht fëmijë, thanë përfaqësuesit e policisë.

LEXONI GJITHASHTU:

• 174 viktima nga trazirat në stadiumin në Indonezi