Të paktën 20 të vrarë nga një sulm izraelit në një shkollë në Gaza

Të paktën 20 persona, përfshirë fëmijë, u vranë në një sulm ajror izraelit që goditi një shkollë, e cila më parë ishte shndërruar në një strehë, në pjesën qendrore të Rripit të Gazës.

Në këtë sulm izraelit, i cili u krye të dielën në mbrëmje, dy gra u vranë gjithashtu në Nuseirat aty pranë, raporton AP.

Shkolla strehoi një numër të madh palestinezësh të zhvendosur gjatë luftës njëvjeçare në Rripin e Gazës, dhe trupat e të vrarëve në sulmin ajror izraelit mbrëmë u transferuan në spitalin Al-Awda në Nuseirat dhe Spitalin e Martirëve Al-Aksa në Deir al- Balah.

LEXONI GJITHASHTU:

• Lindja e Mesme në flakë, sulmet izraelite lënë pas dhjetëra të vrarë në Gaza e Liban
• Gaza nis fushatën e dytë të vaksinimit ndaj poliomielitit më 14 tetor