Të paktën 46 të vdekur nga stuhia tropikale në Filipine

Numri i të vdekurve nga stuhia tropikale Trami në Filipine është rritur në 46 dhe të paktën 20 të tjerë janë të zhdukur, njoftuan sot autoritetet.

Administratori i Zyrës së Mbrojtjes Civile Ariel Nepomuteno tha se nëntë rajone në të gjithë vendin raportuan vdekje në lidhje me stuhinë tropikale, raportoi Xinhua.

Numri më i lartë i vdekjeve – 28 – u raportua në Bicol, një rajon në juglindje të Manilës, i ndjekur nga rajoni Calabarzon ku vdiqën 15 persona. Qeveria ka mbyllur shkollat ​​dhe zyrat – përveç atyre që nevojiten urgjentisht për t’iu përgjigjur katastrofës.

Stuhia u shoqërua me erëra deri në 160 kilometra në orë.  Në vetëm 24 orë ra sasia e reshjeve që bie mesatarisht në dy muaj.

Agjencia qeveritare për zbutjen e fatkeqësive tha se më shumë se dy milionë njerëz u prekën nga stuhia, duke përfshirë 75,400 banorë të cilët u zhvendosën nga shtëpitë e tyre në strehimoret emergjente të të afërmve në vende më të sigurta.

LEXONI GJITHASHTU:

• Veriu i Italisë goditet nga stuhia, rrëshqitje dheu dhe përmbytje
• Mbi 15 persona kanë humbur jetën në Meksikë nga stuhia zombi John