‘Të shohë mizoritë ruse’, Zelenski fton për vizitë Macron

Presidenti i Ukrainës, Volodymyr Zeklenski ka ftuar për vizitë presidentin francez, Emmanuel Macron për të parë ‘mizoritë ruse’ në shtetin që drejton.

Zelensky tha se ftesën i’a ka bërë për arsyen që Macron të shohë gjendjen në të cilën ndodhet Ukraina, shkruan BBC.

“E ftova të vijë kur të ketë mundësi. Do të vijë të shohë dhe jam i sigurt se do ta kuptojë”, tha Zelensky.

Presidenti i Ukrainës shtoi se hezitimi i Macron për të përdorur termin gjenocid ishte “shumë i dhimbshëm për ukrainasit.”

Pak ditë më parë, Macron hezitoi të përdorte fjalën gjenocid duke deklaruar se ai “nuk ishte i sigurt se një përshkallëzim i retorikës i shërben kësaj kauze.”

Konventa e OKB-së për gjenocidin, nënshkruese e së cilës është SHBA, kërkon që vendet të ndërhyjnë pasi gjenocidi të identifikohet zyrtarisht.

LEXONI GJITHASHTU:

• ‘Do luftojmë deri në fund’, ukrainasit refuzojnë ultimatumin rus
• Solidaritet me refugjatët nga Ukraina, Princ Charles falënderon britanikëtZ