Të paktën shtatë persona u plagosën në një të shtëna ose një aksident trafiku që ndodhi pas një incidenti të armatosur në një autostradë pranë Londrës, në Kentakin juglindor, dhe policia është në kërkim të një personi të armatosur.

Kryetari i bashkisë së Londrës, Kentaki, Randall Weddle, tha se nuk ka të vdekur dhe se nga shtatë të plagosurit, disa persona u plagosën në një aksident trafiku, dhe disa u plagosën nga të shtënat, transmeton AP.

Policia tha se është në kërkim të një personi të dyshimtë, i cili është 32-vjeçari i bardhë, Joseph A. Couch.

Vendasit janë të ftuar të qëndrojnë në shtëpi, pasi sipas policisë Couch është “i armatosur dhe i rrezikshëm”.

Pjesa e autostradës afër vendit ku kanë ndodhur të shtënat është e mbyllur, ndërsa në vendngjarje janë ende një numër i madh i efektivëve të policisë dhe zjarrfikësve. Guvernatori i Kentakit, Andy Beshear, tha në një postim në Rrjetin X se ai po monitoron në mënyrë aktive raportet e situatës.

LEXONI GJITHASHTU:

• 4 të vdekur| Arrestohet babai i 14-vjeçarit të dyshuar për të shtënat në SHBA
• EMRAT| Të shtëna me armë zjarri në Tiranë, 2 persona të plagosur