Të shtëna me armë zjarri në SHBA, 1 i vdekur e 3 të plagosur, mes tyre një 8-vjeçar

Një burrë u vra dhe tre persona, përfshirë një fëmijë 8-vjeçar u plagosën nga të shtënat me armë zjarri mbrëmjen e djeshme në në Uashington.

Departamenti i Policisë Metropolitane bëri me dije se burri është gjetur i vdekur në vendin e ngjarjes.

Ndërkohë deri më tani nuk dihet se si është gjendja shëndetësore e të plagosurve.

Pas të shtënave, policia kërkoi për të paktën tre të dyshuar, përfshirë shoferin e një fuoristrade dhe dy burra të cilët dolën nga automjeti në trafik dhe qëlluan në drejtim të personave, shkruajnë mediat e huaja. 

“Unë nuk e kam idenë pse dikush do të bënte një veprim kaq të pamatur,” tha shefi i policisë Metropolitane Robert Contee.

LEXONI GJITHASHTU: 

• Kongresi i SHBA pa kryetar, dështon për herë të tretë zgjedhja e kreut
• Dështon përpjekja për formimin e Qeverisë së re të Malit të Zi
• Vrau të riun nga Kukësi, Gjykata e Prizrenit lë në burg “Kobrën”