Të shtohen panelet diellore për të reduktuar varësinë nga gazi rus, thotë BE-ja

Për të reduktuar varësinë ndaj gazit rus, duhen ndërtuar sa më shumë panele diellore. Ky është qëndrimi i komisionit të BE-së për energjinë.

Financimi ishte një nga opsionet që u propozua në deklaratë.

Ku prodhohen shumica e paneleve diellore?

Kina është lideri botëror në prodhimin e energjisë diellore. Si kombi me popullsinë dhe gjurmën më të madhe të karbonit, ky angazhim për energjinë e rinovueshme është inkurajues.

Shtetet e Bashkuara, India, Japonia dhe Vietnami renditen më pas në listën e prodhuesve kryesorë të paneleve diellore.

Ka vetëm një sasi të vogël panelesh të prodhuara në Evropë. Vendet që aktualisht prodhojnë qeliza diellore janë Italia, Franca dhe Sllovenia.

Sa energji diellore përdor BE-ja aktualisht?

Panelet diellore gjeneruan një rekord prej 10 për qind të energjisë elektrike të BE-së në qershor-korrik 2021.

Shtatë vende të BE-së gjeneruan mbi një të dhjetën e energjisë elektrike nga panelet diellore në qershor-korrik 2021.

Hungaria gjithashtu ka katërfishuar pjesën e saj të energjisë diellore që nga qershori-korrik 2018, ndërsa Holanda dhe Spanja e kanë dyfishuar. Estonia dhe Polonia kanë shkuar nga pothuajse zero në 2018 në 10 për qind dhe 5 për qind respektivisht në qershor-korrik 2021. Dhe për herë të parë, energjia diellore kapërceu energjinë e qymyrit në Hungari në verën e vitit 2021, një moment historik që tashmë ishte arritur një vit më parë në Greqi dhe Portugali.

LEXONI GJITHASHTU:

• A mund të jenë aeroportet me panele diellorë e ardhmja?
• Lulet e egra rreth paneleve diellore, shtëpi për bletët