“Teatri, babai i shumë arteve”, flet regjisorja Driada Dervishi 

Regjisorja Driada Dervishi ka dhënë një intervistë për Euronews Albania në Ditën Ndërkombëtare të Teatrit.

Ajo u shpreh se sot është një ditë feste për të gjithë ata që i kanë kushtuar jetën Teatrit.

Më tej ajo theksoi se Teatri është babai i të gjitha arteve.

“Sot është një ditë feste, është një festë për të gjithë ata që nxiten në skenë, ata që kanë bërë një zgjidhje jete dhe i janë kushtuar Teatrit. Është një festë për të gjithë ata të cilët edhe pse nuk duken që janë pas kuintave por pa ta realizimi I historive që janë treguar dhe vijojnë të tregohen nuk do të ishte i mundur. Teatri në kohët më të vështira ka qenë vendi për të cilin njeriu ka pasur nevojë më shumë. Teatrin e quajnë babanë e shumë arteve dhe besoj që është arratisja më e bukur për të na kujtuar që jemi njerëz”- tha ajo.

LEXONI GJITHASHTU: 

• Kualifikueset e EURO 2024/ Publikohen formacionet zyrtare të Polonisë dhe Shqipërisë
• Rita Gjeka thirrje për një teatër të dytë: Nuk na del një, shfaqjet janë të shpeshta