Komisioni Qendror i Zgjedhjeve u kërkon partive politike të propozojnë zonat ku do të implementohet procesi pilot i votimit elektronik.

Në kërkesën e kryetarit të Komisionit Qendror të Zgjedhjeve bëhet me dije se sistemet apo pajisjet e teknologjisë së informacionit që do të përdoren në zgjedhje do të implementohen me projekte pilote të cilat do të përfshijë jo më shumë se 20 për qind të zgjedhësve duke filluar nga zgjedhjet e para pas hyrjes në fuqi të këtij ligji.

Pavarësisht nga ky rregull në zgjedhjet e para për kuvendin pas hyrjes në fuqi të këtij ligji, identifikimi elektronik do të shtrihet në 100 për qind të votuesve.

“Në këto kushte, përpara se Komisioni Qendror i Zgjedhjeve të marrë vendimet përkatëse lutemi të na bëni me dije nëse keni sugjerime apo mendimet tuaja në lidhje me zonat se ku mendoni të aplikohen projektet pilote në këto zgjedhje”, thuhet të në kërkesën e KQZ drejtuar partive politike.

Lexoni gjithashtu:

Teknologjia në zgjedhje, 5 janari afati i fundit për shqyrtimin e ofertave të tenderit