“Tempulli” prangos mbi 800 persona, gazetari: Shpërndarës vetëm, ku janë “kokat”

Temë e emisionit Review në Euronews Albania këtë të shtunë ishte goditja e shpërndarësve të drogës në kuadër të operacionit të ndërmarrë nga policia të titulluar “Tempulli”.

I ftuar në panel, gazetari i kronikës, Fatjon Gjinaj, tha se edhe pse janë arrestuar më shumë se 800 persona, ende nuk është raportuar se goditja ka shkuar deri te kokat e grupeve kriminale.

Ai theksoi se organet ligjzbatuese kanë arrestuar njerëzit që bëjnë punën në terren, por nuk ka shkuar tek origjina e drogës se kush e sjell apo e prodhon në Shqipëri.

“Deri në një farë pike policia dhe prokuroria nuk kanë arritur të depërtojnë tek elementi që i zbret këta njerëz në terren dhe i bën aktorë, dikë e bën trafikues, dikë e bën shpërndarës dhe dikë konsumatorë”, tha gazetari.

Gjinaj shtoi se janë qindra të arrstuar, por shumë pak sasi lënde narkotike e sekuestruar.

“Mua numrat më shqetësojnë përderisa nuk shoh aty brumin. Brumi është që kjo drogë nuk zbret nga qielli. Nuk e bëjnë qytetarët që kapen me dy qese hashash apo kokainë, por e bëjnë kokat”, tha ai.

LEXONI GJITHASHTU:

• Eksperti: S’kemi parë helikopter kur bëhen atentate, i shohim për operacione droge
• Sky Ecc “djeg” gardistin, deklaroi se përdori aplikacionin, përjashtohet