Partia Demokratike ka vijuar me akuzat ndaj Bashkisë së Vaut të Dejës.
Nënkryetari i kësaj force politike, Luçiano Boçi u shpreh në një deklaratë për mediat nga selia blu, se kjo bashki ka alokuar 741 mln lekë për një kompani private për të pastruar territorin.
Sipas Boçit, më parë bashkia e bënte pastrimin me 100 mln lekë, ndërsa kontrata është për vlerën e mbi 200 mln lekëve.
Ai shtoi se në lidhje me këto akuza, nuk ka pasur reagim nga SPAK.
“741 milion lekë i ka alokuar Bashkia e Vaut të Dejës një firme private për të pastruar territorin me një kontratë 3 vjeçare. Komuniteti lokal ka protestuar më 21 maj 2021 para se të firmosej kontrata, por qëndrimi i tyre ka rënë në vesh të shurdhër.
Bëhet fjalë për kontratë “shërbime pastrimi”, e cila kryhej nga Bashkia pararendëse me rreth 100 milion lekë në vit, pra me gjysmën e shumës që ka faturuar kryebashkiaku socialist, Mark Babani. Nuk është vetëm shuma e akorduar, por edhe mjaft detaje të tjera ku fshihet djalli i korrupsionit”, tha ai.
LEXONI GJITHASHTU