Tensione në seancën plenare, Alibeaj kërkon të thirret Rama për çështjen McGonigal

Ka nisur me tensione seanca plenare e kasaj të enjteje, ku deputetët e Partisë Demokratike kanë kërkuar që kryeministri Edi Rama të jetë i pranishëm në parlament dhe të flas për lidhjen e tij me ish-zyrtarin e arrestuar të FBI-së.

Ishte kreu i Grpit Parlamentar Demokrat, Enkelejd Alibeaj, ai i cili kërkoi nga kryetarja e Kuvendit, Lindita Nikolla që kryeministri të thirret dhe të jetë prezent në seancë, pasi sipas tij Rama është strumbullari i skandalit në SHBA.

“Më lini të mbaroj. Ju jeni garante për të thirrur këtu Edi Ramën se ai njeri që është strumbullari i një skandali korruptiv që ka disa ditë që vlon në Shqipëri e Amerikë do duhet të japë sqarime më së pari në Parlament, ky është vendi ku duhet të jetë prezent”, tha Alibeaj.