“Kiriakos, mik im, nuk ju kërcënojmë, nëse nuk na kërcënoni. Nuk ka asnjë çështje që ne nuk mund ta zgjidhim”, është një nga frazat e përdorura nga presidenti turk Rexhep Tajip Erdogan, në një intervistë 24 orë para mbërritjes së tij në Athinë, drejtuar kryeministrit Mitsotakis.

“Le të forcojmë besimin mes dy vendeve tona. Të rrisim bashkëpunimin dypalësh në çdo sektor, në ekonomi, tregti, transport, energji, shëndetësi, teknologji, arsim, në çështjet që kanë të bëjnë me rininë”, shton presidenti i Turqisë në intervistën e tij për Kathimerini.

“Të tregojmë kujdes dhe shqetësim të ndërsjellë për trashëgiminë historike dhe kulturore të vendeve tona. Qoftë çështjet në Egje, lufta e përbashkët kundër emigracionit të parregullt, apo problemet e vazhdueshme të pakicës turke në Greqi, nuk ka asnjë problem që nuk mund ta zgjidhim përmes dialogut mbi bazën e vullnetit të mirë të ndërsjellë”, shton Erdogan.

Erdogan, i cili do të takohet me Mitsotakis të enjten, tha se Turqia po përpiqej sinqerisht të zgjidhte mosmarrëveshjet e saj me Greqinë dhe se Greqia e kishte kuptuar se Turqia nuk do të refuzonte kurrë një dorë të zgjatur miqësie.

LEXONI GJITHASHTU:

• Erdogan do të vizitojë Katarin nesër
• Idetë për Parkun Kombëtar të Vjosës, Rama: Vendim i guximshëm, mesazhi për BE