Tensionet në Kosovë, Berisha: Rama heshti, u rreshtua me Putin dhe Vuçiç

Kryetari i Partisë Demokratike, Sali Berisha ka akuzuar kryeministrin Edi Rama se është rreshtuar në krah të presidentit rus, Vladimir Putin dhe atij serb, Aleksandër Vuçiç pasi heshti në lidhje me tensionet e shkaktuara në veri të Kosovës.

Përmes një postimi në rrjetet sociale, Berisha u shpreh se gjatë konferencës së sotme për shtypo, Rama e paraqiti çështjen si jo të nxitur nga Moska dhe Beogradi, por si refuzim i marrëveshjes së serbëve lokalë për arsyet e tyre.

Sipas Berishës, deklaratat e Ramës inkurajojnë konfliktin në Kosovë dhe justufikojnë VuÖiç për mos vendosjen e sanksioneve ndaj Rusisë.

Më 31 korrik, serbët në Kosovë vendosën barrikada në rrugët që çojnë në Jarinjë dhe Bërnjak, për shkak të vendimit të qeverisë për targat dhe dokumentet serbe.

Qeveria e Kosovës tha se do të shtyjë zbatimin e vendimeve për lëshimin e dokumenteve për hyrje-dalje për shtetasit e Serbisë që hyjnë në Kosovë dhe atë për ndryshimin e targave serbe, kur të hiqen bllokadat.

Të gjitha bllokadat në veri u hoqën pasditen e sotme.

LEXONI GJITHASHTU

• Hiqen të gjitha barrikadat në veri të Kosovës
• ‘Jemi të gatshëm të ndërhyjmë’, KFOR-i reagon për tensionet në Veri