Tensionet në Veri, gazetari: SHBA të ndërhyjë urgjent kundër hegjemonisë serbe

Gazmir Raci tha në një intervistë për Euronews Albania se ka ardhur momenti që serbët e veriut të ndërgjegjësohen siç po bëjnë serbët në Beograd kundër pushtetit autokrat të Vuçiçit.

Raci bëri thirrje që SHBA dhe BE të reagojnë dhe të ndërhyjnë urgjent për t’i dhënë fund tendencave të Serbisë për të destabilizuar Veriun e Kosovës.

“Gjermania, Franca dhe SHBA duhet të ndërhyjnë menjëherë në këtë drejtim, që ta ndalojë këtë lloj tendence për ta destabilizuar sërish Veriu. E shikoni si sillet Serbia dhe Vuçiç me Kosovën? Serbia e ka problem të trajtohet barabartë me shqiptarët e Kosovës. Ata nuk e pranojnë barazinë me Kurtin në tryezën e bisedimeve.  Janë popull hegjemon, jo i gjithë populli por politikanët”, tha gazetari.

LEXONI GJITHASHTU:

• Serbët vendosin barrikada në Veri në Kosovës
• Situata në veri të Kosovës/ Vuçiç urdhër për gatishmërinë ushtarake