Tensionet SHBA-Turqi| Biden: Të mos përsëritet më. Çavusoglu: Deklaratë sharlatanësh
Marrëdhëniet mes Shteteve të Bashkuara dhe Turqisë, të cënuara nga sanksionet e vazhdueshme amerikane përballë politikave të presidentit Erdogan, vështirë se do të mund të riparohen.
Të hënën, Uashingtoni dhe Ankaraja u përplasën sërish, këtë herë lidhur me përkujtimin e gjenocidit armen, të cilin pala turke e mohon.
Ishte presidenti Joe Biden që përmes një deklarate kujtoi armenët e rënë gjatë gjenocidit dhe u zotua që të mos lejojë përsëritjen e ngjarjeve të tilla.
“Shumë nga armenët e mbijetuar u detyruan të nisnin një jetë të re në toka të reja, përfshirë Shtetet e Bashkuara. Ata treguan historitë e tyre dhe ato të paraardhësve për të mbajtur mend dhe për t’u siguruar që gjenocide si ai i 108 viteve më parë të mos përsëriten më”, deklaroi Biden.
Nuk mungoi reagimi i Ankarasë zyrtare, që përmes ministrit të Jashtëm, Mevlut Çavusoglu i cilësoi deklaratat e presidentit amerikan një “tentativë të politikanëve sharlatanë për të ndryshuar historinë”.
“Deklaratat e motivuara politikisht nuk mund të ndryshojnë faktet. Askush nuk duhet të guxojë të na japë leksione mbi historinë tonë”, deklaroi Çavusoglu.
Rreth 1.5 milion armenë u vranë në ngjarjet që shënuan atë që njihet si gjenocidi i parë i shekullit të njëzetë.
Turqia mohon që vdekjet të kenë përbërë gjenocid, duke pretenduar se ato u shkaktuan nga trazirat dhe lufta civile.
Ndërkohë, në vigjiljen e ditës përkujtimore, në sheshin kryesor të Jerevanit disa qindra qytetarëve marshuan me pishtarë të ndezur dhe dogjën flamurin e Turqisë dhe Azerbajxhanit.
Dhoma e Përfaqësuesve miraton masën për t’i dhënë fund luftës në Iran
Partia Demokratike në pushtet fiton zgjedhjet lokale në Korenë e Jugut
Kina ndalon hyrjen e katër deputetëve të Zelandës së Re pas vizitës në Tajvan
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet