Tensionohet situata në Gjeorgji, presidentja refuzon paraqitjen në prokurori

Presidentja e Gjeorgjisë ka refuzuar të paraqitet në zyrën e prokurorit të vendit, pasi u thirr në kuadër të hetimit mbi manipulimin e dyshuar të zgjedhjeve fundjavën e kaluar.

“Nuk i takon presidentit të ofrojë atë provë që e ka në dorë shoqëria. Organizatat joqeveritare, vëzhguesit dhe qytetarët kanë paraqitur prova të panumërta që po dalin ditë pas dite dhe që po tregojnë se sa i gjerë, sistematik dhe sa masiv ishte manipulimi  i zgjedhjeve”, tha Salome Zourabichvili, presidente e Gjeorgjisë.

Reagimi i presidentes vjen pasi shefi i Politikës së Jashtme të BE-së, Josep Borrell u bëri thirrje autoriteteve gjeorgjiane që të zhvillojnë një hetim transparent mbi parregullsitë, të cilat ai i cilësoi si “shumë të rënda”.

Ndërkohë, presidenti ukrainas Volodymyr Zelensky ka deklaruar se, Rusia fitoi në Gjeorgji dhe do të bëjë të njëjtën gjë në Moldavi nëse Perëndimi nuk i jep fund retorikës mbi vijat e kuqe të Moskës.

LEXONI GJITHASHTU:

• Presidentja e Gjeorgjisë nuk njeh rezultatin zgjedhor, bën thirrje për protesta
• Mijëra gjeorgjianë protestojnë në Tbilisi kundër “vjedhjes” së zgjedhjeve