Tentativa për arratisje drejt Greqisë, pranga bashkëpunëtorëve të Klodian Keqit

Policia ka arrestuar dy persona të cilët ndihmuan Klodian Keqin në tentativën e tij për t’u arratisur drejt Greqisë, pasi vrau 55-vjeçarin Luan Hushi.

Shtetasit L. K., 25 vjeç dhe L. Gj., 30 vjeç, u kapën në flagrancë, teksa po shoqëronin dhe ndihmonin autorin për t’u larguar nëpërmjet kufirit të gjelbër për në shtetin grek.

Operacioni u zhvillua nga Forca e Posaçme Operacionale e DVP Durrës, në bashkëpunim me Komisariatin e Policisë Krujë, Komisariatin e Policisë Sarandë dhe Policinë Kufitare Sarandë, nën drejtimin e  Prokurorisë pranë Gjykatës së Rrethit Gjyqësor Krujë.

Ngjarja e rëndë ndodhi mesditën e 10 gushtit, në fshatin Zgërdhesh të Krujës, në një zonë të pyllëzuar ku 40-vjeçari Keqi qëlloi me armë zjarri kallashnikov bashëfshatarin e tij, Luan Hushin.

Shkak i vrasjes dyshohet se u bë një konflik banal për prerjen e druve në pyll.

Megjithëse u dërgua me urgjencë në Spitalin e Traumës, 55-vjeçari nuk arriti t’i mbijetojë plagëve të marra.

LEXONI GJITHASHTU

• Në tentativë për t’u arratisur nga vendi, arrestohet autori i vrasjes së Luan Hushit
• Vrasja për drutë në Krujë, policia ngre dronin në pyll për arrestimin e autorit
• Ndërron jetë në spital 55-vjeçari që u plagos në Krujë