Tentoi të fuste valixhen me dollarë në Rinas, e ‘pëson’ 44-vjeçari kinez

Një 44-vjeçar kinez është proceduar penalisht nga policia kufitare e Rinasit, pasi kishte fshehur në bagazhet që kishte me vete, 28 900 dollarë, me qëllim futjen në vendin tonë, pa i deklaruar.

Policia ka sekuestruar shumën e parave, ndërkohë që materialet në ngarkim të 44-vjeçarit i kaluan prokurorisë për veprën penale “Mosdeklarimi në kufi i të hollave dhe i sendeve me vlerë”.

“Shërbimet e Komisariatit të Policisë Rinas, si rezultat i intensifikimit të punës në hyrje/dalje, me qëllim garantimin e qarkullimit të sigurtë të shtetasve dhe mallrave, si dhe për parandalimin dhe goditjen e paligjshmërive kufitare, kanë ushtruar kontroll në bagazhet e shtetasit kinez L. X.

Si rezultat i kontrollit në këto bagazhe, u gjetën dhe u sekuestruan në cilësinë e provës materiale 28 900 dollarë, të cilat ky shtetas tentonte t’i fuste në vendin tonë, pa i deklaruar konform ligjit”, thuhet në njoftimin e policisë.

LEXO GJITHASHTU:

• Ndahet nga jeta në moshë të re këngëtari shqiptar
• Shiste 3200 euro një dëftesë fallco, arrestohet drejtori i shkollës
• “Si je Ardian”- Zbardhet komunikimi i vetëm mes autorit dhe viktimës në Shëngjin