Tentoi të hynte në Shqipëri i armatosur, arrestohet 45-vjeçari nga Kosova

Një shtetas i Kosovës është arrestuar në Morinë, Kukës pasi tentoi të hynte në territorin shqiptar i armatosur.

Një pistoletë, municion luftarak dhe automjeti i 45-vjeçarit janë sekuestruar nga policia.

Gjatë kontrollit me metoda bashkëkohore, të ushtruar në vijën e dytë, në automjetin që drejtonte shtetasi F. D., shërbimet e Policisë gjetën një armë zjarri pistoletë dhe municion luftarak, të cilat u sekuestruan në cilësinë e provës materiale, së bashku me automjetin që drejtonte ky shtetas, thuhet në njoftimin e policisë.

Materialet procedurale i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme.

LEXONI GJITHASHTU:

• Kishte mbushur “Benz-in” me drogë, arrestohet 35-vjeçari në Morinë
• Në kërkim ndërkombëtar për trafik droge, arrestohet në Morinë 39-vjeçari