Tentoi të kalonte 13 mijë euro të pa deklaruara në Kakavijë, procedohet 31-vjeçari

Policia e Kakavijës, këtë të hënë, ka proceduar penalisht një 31-vjeçar, pasi tentoi të  nxirrte nga Shqipëria një shumë prej 13,200 euro të pa deklaruara në konform ligjor.

Pasi u kryen kontrolle në çantën e tij, policia gjeti shuma e eurove dhe i sekustroi në cilësinë e provës materiale.

Në vijim të hetimeve, është proceduar në gjendje të lirë shtetasi H.J., 31 vjeç, banues në Berat, për veprën penale “Mosdeklarimi në kufi i të hollave dhe sendeve me vlerë”.

Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

LEXONI GJITHASHTU:

• Këmbimi valutor 13 Tetor/ Me sa shiten dhe blihen monedhat e huaja