Një 42-vjeçar është arrestuar nga Policia Kufitare këtë të hënë në Rinas, pasi iu sekuestruan sende me vlerë, aksesorë floriri dhe 14 ora dore të markave të shtrenjta.
Shërbimet e Policisë Kufitare të Rinasit kaluan në vijën e dytë për kontroll më të imtësishëm, bagazhet e shtetasit K. H.
Si rezultat i kontrollit u gjetën dhe sekuestruan në cilësinë e provës materiale, aksesorë floriri (varëse, byzylykë, unaza dhe vëthë) dhe 14 ora dore të markave të shtrenjta, të dyshuara si të kontrabanduara, pasi 42-vjeçari nuk dispononte faturë të blerjes së këtyre sendeve.
Ai akuzohet për veprat penale “Kontrabanda me mallra të tjera”, “Mosdeklarimi në kufi i të hollave dhe i sendeve me vlerë”, “Fshehja e të ardhurave” dhe “Përvetësimi i parave ose mallrave që rrjedhin nga vepra penale ose veprimtaria kriminale”.
LEXONI GJITHASHTU
- Heroinë dhe kanabis, arrestohet 29-vjeçari në Korçë
- Arrestohet shqiptari me gruan në Itali, u sekuestrohen 30 mijë euro dhe heroinë
- Kultivuan kanabis në malet e Krujës, arrestohen 2 vëllezërit (EMRAT)