Tentoi të korruptonte punonjësin e policisë me 20 euro, nën hetim 46-vjeçari

Një 46 vjeçar është proceduar penalisht në gjendje të lirë pasi në pikën kufitare të Kapshticës ka tentuar të korruptojë punonjësin e policisë me 20 euro.

Shtetasi i identifikuar si I.C akuzohet për veprën penale “Korrupsioni aktiv i personave që ushtrojnë funksione publike”.

“Shtetasi I. C., 46 vjeç, banues në Paskuqan, Tiranë, gjatë kryerjes së procedurave të regjistrimit në hyrje të Republikës së Shqipërisë, në momentin kur punonjësi i Policisë i ka kërkuar pasaportën, ai ia ka dhënë atë, me një kartëmonedhë të prerjes 20 euro në brendësi të saj, me qëllim shmangien e procedurave të kontrollit të dokumentacionit, për shkak se kishte kaluar afatin e qëndrimit të ligjshëm jashtë Shqipërisë.”- njofton policia.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.

LEXONI GJITHASHTU: 

• Eksperti i kthehet sipërmarrëses: A ke siguracion për skuterin?
• Eksperti: Rrugët tona nuk janë të përshtatshme për skutera, rrezik kur ka gropa
• Kryeministri grek vizitë sot në Shqipëri, zbardhet agjenda e Mitsotakis