Tentoi të nxirrte nga Shqipëria 48 400 euro pa i deklaruar, procedohet 54-vjeçari

Policia në Pikën Kufitare të Kakavijës ka nisur procedimin penal ndaj një 54-vjeçari i cili ka tentuar të nxirrte nga vendi një sasi prej 48 400 euro, të cilat ky nuk i kishte deklaruar konform ligjit.

“Në vijim të veprimeve procedurale për rastin, specialistët për Hetimin e Krimeve të DVKM Gjirokastër referuan materialet në Prokurori, ku nisi procedimi në gjendje të lirë, për veprën penale “Mosdeklarimi në kufi i të hollave dhe i sendeve me vlerë”, për shtetasin Sh. B., 54 vjeç, banues në fshatin Lazarat, Gjirokastër. Gjithashtu, u sekuestrua në cilësinë e provës materiale, shuma e eurove”, bëri me dije policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

LEXONI GJITHASHTU:

• Zjarri në Kakavijë: Ndërhyjnë helikopterë nga Greqia
• Zjarr në kishën e fshatit Kakavijë, rrezikohen banesat përreth