Tentoi të përdhunojë 20-vjeçaren në Greqi, arrestohet 40-vjeçari shqiptar

Një 40-vjeçar shqiptar është arrestuar në Nicë të Greqisë pasi akuzohet se ka tentuar të përdhunojë një vajzë në moshën 20-vjeçare.

Mediat greke, bëjnë me dije se shqiptari identiteti i të cilit nuk është bërë me dije është arrestuar mëngjesin e ditës së djeshme, pak pas sulmit që i bëri të resë.

Mësohet se 40-vjeçari ka tentuar të përdhunojë 20-vjeçaren në rrugën Mystra teksa po kthehej nga një festë.

Sipas informacioneve, autori shqiptar i është afruar të resë dhe ka tentuar ta përdhunojë, por vajza ka rezistuar dhe për pasojë i arrestuari e ka rrahur.

Pas sulmit, 20-vjeçarja është dërguar në Spitalin e Përgjithshëm Shtetëror të Nicës ku i është dhënë ndihma e parë dhe i është nënshtruar analizave.

Sipas të njëjtave informacione, 40-vjeçari ishte liruar nga burgu pak kohë më parë teksa vuante dënimin për vepra seksuale.

Bëhet e ditur se para arrestimit, ka pasur edhe dy denoncime të tjera ndaj shqiptarit për tentativë përdhunimi.

LEXONI GJITHASHTU: 

• Lista Serbe dorëzon mandatet e deputetëve në Kuvendin e Kosovës
• Daçiç: Nëse SHBA-BE s’i japin fund Kurtit, tregon se janë të pafuqishëm ose heshtin