Tentuan të kalonin në Rinas me pasaporta false, arrestohen 2 kinezët

Policia e Rinasit ka goditur një rast të tentativës për të kaluar kufirin, me pasaportë të falsifikuar.

Në pranga kanë përfunduar 2 shtetas kinezë që paraqitën në dalje, pasaporta false të Koresë së Jugut.

Policia ka sekuesruar dhe 2 pasaportat kineze që iu gjetën këtyre shtetasve, gjatë kontrollit fizik, si dhe 2 pasaportat false.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme, për veprën penale “Falsifikimi i letërnjoftimeve, i pasaportave ose i vizave”, kryer në bashkëpunim.

“Si rezultat i kontrolleve është goditur një rast i tentativës për të kaluar kufirin, me pasaportë të falsifikuar. Për këtë rast, specialistët për Hetimin e Krimeve të Komisariatit të Policisë Rinas kanë arrestuar në flagrancë shtetasit kinezë: J. Sh., 27 vjeç dhe Ch. Ch., 52 vjeç.

Në dalje të Republikës së Shqipërisë, secili nga këta shtetas ka paraqitur pasaportë të Koresë së Jugut, të cilat pas verifikimeve rezultuan të falsifikuara. Gjatë kontrollit fizik, këtyre shtetasve iu janë gjetur pasaportat e tyre kineze, me të njëjtat gjeneralitete si pasaportat e falsifikuara. 4 pasaportat u sekuestruan në cilësinë e provës materiale”, njofton policia.

LEXONI GJITHASHTU:

• Dogji mbeturinat në tokën e tij, por flakët u përhapën, procedohet i moshuari
• Familja e denoncoi të zhdukur, gjendet i pajetë i moshuari në Tropojë
• Tokë, apartamente e makinë, sekuestrohen 500 mijë euro pasuri në Lezhë