Tërmeti apokaliptik në Turqi, reagon Xhaçka: Jemi gati të ndihmojnë në çdo mënyrë

Ministrja e Jashtme Olta Xhaçka ka reaguar në lidhje me tërmetin e fortë prej 7.8 ballësh që goditi juglindjen e Turqisë dhe veriun e Sirisë duke lënë të vdekur më shumë se 560 persona.

Përmes një postimi në Twitter, Xhaçka shpreh ngushëllimet për familjarët që kanë humbur të dashurit e tyrë.

Ajo nënvizon gjithashtu  se autoritete shqiptare janë të gatshme të ndihmojnë Turqinë në këto orë të vështira.

“Zemrat dhe lutjet tona shkojnë për viktimat e tërmetit tragjik që goditi Turqinë dhe Sirinë sot duke shkaktuar qindra viktima. Në këtë orë të vështirë, ne jemi gati të ndihmojmë Turqinë në çdo mënyrë që mundemi”, shkruan Xhaçka në Twitter.

LEXONI GJITHASHTU: 

• Pamjet e tërmetit apokaliptik në Turqi, momenti kur shembet pallati 7-katësh
• Tërmeti më i fortë në shekullin e fundit, shkon mbi 500 numri i viktimave në Turqi
• Tërmeti tragjik në Turqi, flet i tronditur deputeti: Familja ime ndodhet nën rrënoja