Tërmeti i djeshëm shemb plotësisht godinën 7-katëshe në Turqi, por jo shkallët

Turqia u godit ditën e djeshme nga dy tërmetet të tjerë të fuqishëm, vetëm dy javë pas lëkundjeve shkatërrimtare që shkaktuan 41 mijë viktima.

Nga tërmetet e rëna mbrëmjen e së hënës u shembën disa godina, si dhe ndërruan jetë 3 persona.

Mediat turke kanë publikuar rastin e një ndërtese e cila u shemb plotësisht, por shkallët metalike të saj mbetën të padëmtuara.

Godina 7-katëshe e Fakultetit të Arkitekturës në Universitetin Mustafa Kemal, u dëmtua rëndë nga tërmetet e 6 shkurtit dhe u rrëzua përtojkë të hënën.

Kujtojmë se një nga tërmetet ndodhi rreth orës 20:04 me orën lokale, me magnitudë 6.4, ndërsa tjetri tre minuta më vonë, me magnitudë 5.8 ballë.

Tërmeti i parë ndodhi në një thellësi prej 16.7 kilometrash (10.4 milje), ndërsa i dyti në një thellësi prej 7 km (4.3 milje). Të dy janë ndjerë në zonat përreth Hatayt.

Tërmetet e dy javëve më parë, megjithëse me qendër në Kahramanmaras, 100 kilometra nga Hatay, shkaktuan dëme të mëdha atje.

LEXONI GJITHASHTU:

• Tërmeti i djeshëm shemb plotësisht godinën 7-katëshe në Turqi, por jo shkallët
• Tërmeti në Turqi, raportohet për disa pallate të shembura
• Turqia goditet sërish nga një tërmet i fuqishëm, lëkundjet ndjehen edhe në Siri