Turqia goditet sërish nga një tërmet i fuqishëm, lëkundjet ndjehen edhe në Siri

Turqia është goditur sërish nga një tërmet i fuqishëm. Sipas Shërbimit Gjeologjik të SHBA-ve, tërmeti, me magnitudë 6.4 është regjistruar në Hatay.

Epiqendra e tërmetit ishte 3 kilometra në jug-perëndim të provincës Uzunbag të Hatay-t.

Lëkundjet janë ndjerë edhe në Siri.

Notable quake, preliminary info: M 6.4 – 3 km WSW of Uzunbağ, Turkey https://t.co/gXZjur6vu0

— USGS Earthquakes (@USGS_Quakes) February 20, 2023

Më 6 shkurt, të dyja vendet u goditën nga dy tërmete të fuqishme, përkatësisht 7.8 dhe 7.6 ballë.

Numri i viktimave që shkaktuan tërmetet në Turqi dhe në Siri ka arritur në më shumë se 47 mijë persona. Sipas të dhënave të fundit të autoriteteve turke, në 10 provincat që u goditën, deri tani janë konfirmuar 40 mijë viktima. Dhjetëra mijëra persona rezultojnë të lënduar.

Në Turqi llogaritet së tërmetet mbi 7 ballë të shkallës rihter kanë shkatërruar 80 mijë banesa.

Ndërkohë në Siri organizatat ndërkombëtare humanitare thonë se ende nuk kanë të dhëna të sakta për numrin e vdekjeve.

LEXONI GJITHASHTU

• 47 mijë viktima nga tërmeti, ekspertët: U prekën 26 milionë njerëz
• Si i shpjegon kleriku historitë drithëruese nga të mbijetuarit e Turqisë
• ‘143 mijë rusë të vrarë’, Ukraina: Më shumë se 10 mijë mjete të shkatërruara