Tërmeti i fuqishëm godet Japoninë, sa ishte magnituda

Një tërmet me magnitudë 6.0 e shkallës rihter goditi rajonin Fukushima të Japonisë verilindore ditën e sotme, tha Agjencia Meteorologjike Japoneze, por nuk u dha asnjë paralajmërim për cunami.

Nuk ka pasur raporte të menjëhershme për dëme apo lëndime pas tërmetit, epiqendra e të cilit kishte një thellësi prej 40 kilometrash dhe i cili u ndje edhe në Tokio.

TEPCO, operatori i termocentralit bërthamor të Fukushimës, tha se “asnjë anomali” nuk ishte zbuluar në termocentralin e goditur ose në vende të tjera në rajon.

LEXONI GJITHASHTU:

• Një tërmet i fortë godet Kilin, sa ishte magnituda
• Më shumë se 120 tajvanezë të bllokuar në 80 tunele si pasojë e tërmetit