Tesla hap rrjetet e karikimit për makinat tjera elektrike

Për herë të parë Tesla po hapë rrjetet e saj të karikimit për makina të tjera elektrike.

Kompania ka më shumë se 25,000 lokacione “supercharger“, duke e bërë atë rrjetin më të madh të karikimit në botë.

Skema e saj pilot do të fillojë me 10 lokacione në Holandë si pjesë e nxitjes së kompanisë për të hedhur në qarkullim automjetet elektrike.

Prodhuesi i makinave, në pronësi të Elon Musk, shpreson që përfundimisht të zgjerojë skemën “në mbarë botën”. 

“Kjo lëvizje mbështet drejtpërdrejt misionin tonë për të përshpejtuar tranzicionin e botës drejt energjisë së qëndrueshme.”, thone drejtuesit e Teslas.  

Sisteme të tilla përdoren nga prodhuesit globalë, duke përfshirë BMë, prodhuesin e Mercedes–Benz Daimler, Ford dhe grupi Volkswagen. 

Kompania shiti 241,391 makina Tesla në tremujorin e tretë të 2021, gjë që e ndihmoi atë të arrinte një vlerë tregu prej 733 miliardë paund këtë javë.

Ajo u bë firma e pestë e tillë që arriti këtë arritje. Vetëm Apple, Microsoft, Amazon dhe pronari i Google Alphabet e kishin arritur më parë atë vlerësim historik.