Tetë të vdekur nga sulmet ruse ndërsa Ukraina shënon Ditën e Mbrojtësve

Në Zaporizhja, Rusia sulmoi ndërtesa apartamentesh, duke vrarë një person dhe plagosur gjashtë të tjerë, tha guvernatori rajonal, Ivan Fedorov.

Ndërkohë, Ministria e Energjisë e Ukrainës raportoi më 1 tetor se trupat ruse sulmuan nënstacionin kryesor dhe ndërprenë një linjë energjie drejt centralit bërthamor të Zaporizhzjas – më i madhi në Evropë – i cili ishte në prag të një ndërprerjeje totale.

Në Sumy, një rajon verilindor që kufizohet me Rusinë, sulmet ajrore vranë një grua dhe plagosën dy burra në komunitetin Esman, raportoi zyra e prokurorit rajonal.

Në mbarë Ukrainën, në orën 9 të mëngjesit sipas kohës lokale, u mbajt një minutë heshtje në kujtim të të gjithë ukrainasve që kanë dhënë jetën duke mbrojtur pavarësinë e vendit të tyre.

Në një mesazh në Telegram, komandanti më i lartë ushtarak i Ukrainës, gjenerali Oleksandr Syrskiy, përgëzoi ushtarët ukrainas, të cilët i quajti “luftëtarë të pathyeshëm”, të cilët përballuan forcat pushtuese ruse dhe gjatë 2 vjetëve e gjysmë të fundit “i dhanë betejë të ashtuquajturës ‘ushtria e dytë e botës’ dhe e ndaluan atë”.

LEXONI GJITHASHTU:

• Pensionimi i një legjende, Iniesta tërhiqet nga futbolli në moshën 40-vjeçare
• Lufta Rusi-Ukrainë: Lista e ngjarjeve kryesore në ditën e 946 të saj