Thaçi telefonon Ramën një ditë pas zgjedhjeve, kryesocialisti: Prekëse

Një ditë pas zgjedhjeve të  majit, kryeministri Edi Rama duket se ka marrë një telefonatë nga ish-presidenti i Kosovës Hashim Thaçi.

Lajmin e ka bërë të ditur vetë Rama me anë të një postimi në Facebook.

“Telefonata e vëllaut tim Hashim ishte tejet prekëse dhe Komandanti ishte në formën e vet më të mirë”, shkruan Rama.

Bashkëngjitur me këtë shkrim, ajo që vihet re në postimin e kryetarit të PS është një fofot në të cilën ai duket me kurriz e me telefon në dorë, ndërsa përballë është kompjuteri në ekranin e të cilit arrihen të lexohen në word fjalët: “Tiranë e dashur, Shqipëri e shtrenjtë, Shqipëri, Europë”.

Telefonata e Thaçit për kryeministrin Rama vjen në një moment të rëndësishëm, ku partia e drejtuar prej këtij të fundit, duket se po përgatitet për mandatin e katërt të qeverisjes.

Deri më tani në total janë numëruar 2356 QV nga 5225 QV që janë në total. Partia Socialiste kryeson me 322221 vota që përkthehen në 52,67%. E dyta është Partia Demokratike me 208516 vota, që përkthehen në 34,09%.

Për rezultatet në kohë reale kliko (këtu)

LEXONI GJITHASHTU:

• I kërkoi të lëvizte makinë, 30-vjeçari godet policin. Përfundon me pranga
• Spiropali në Vorë: PS ka fituar me diferencë të thellë, KQZ do shpallë rezultatin