Ish-kryetari i Partisë Demokratike, Lulzim Basha, ka reaguar në lidhje me ndarjen nga jeta të ish-ministrit të Jashtëm italian Franko Frattini.
Përmes një postimi në rrjete sociale, Basha, shpreh ngushëllimet për familjarët dhe miqtë e politikanit italian, si dhe e cilëson atë si mik të madh të shqiptarëve.
Ish-kreu i PD shpreh mirënjohjen ndaj Frattinit për mbështetjen e dhënë prej tij në procesin e liberalizimit të vizave për Shqipërinë.
“ThelIësisht i pikëlluar për humbjen e Franco Frattinit, italian dhe europian i madh dhe një mik shumë i dashur. Shqiptarët do t’i jenë përgjithmonë mirënjohës për mbështetjen e tij të paçmueshme për lëvizjen e lirë dhe integrimin europian. U prefsh në paqe i dashur mik!”, shkruan Basha në facebook.
LEXO GJITHASHTU:
- Ish-ministri italian ndërron jetë në moshën 65-vjeçare
- Ndahet nga jeta Franko Fratini, politika shqiptare nderon ish-ministrin italian
- COVID gjunjëzon Kinën, parashikimi: 1 milion njerëz do vdesin në 2023
