Thethi plot me turistë të huaj, preferojnë natyrën e egër dhe ushqimet bio

Kjo është pamja që ofron pika turistike e Thethit këto ditë dhjetori.

Turistë të shumtë vendas dhe të huaj kanë zgjedhur Thethin për të shijuar bukuritë natyrore, për të bërë hiking por dhe shijuar ushqimet tradicionale të zonës .

Hektori nga Spanja dhe Alina nga nga Ukraina ndodhen në Theth prej dy ditësh. Thethin tregojnë se e njohën nga platforma online ndërsa janë të mahnitur nga pamja e kësaj zone turistike.

“Jam Hektori dhe vij nga Spanja. Zgjodhëm të vijmë në Theth së bashku me të dashurën time pasi dëshironim të vizitonim një vend magjik , me natyrë fantastike si kjo e Thethit. Unë jam një person që i dua shumë malet dhe me thënë të drejtën ishim në kërkim pikërisht të një vendi të tillë. Pamja është fantastike dhe cdo gjë perfekte deri më tani.”-shprehet një turist.

“Unë jam nga Ukrahina . Në fakt vitin e kaluar kemi qenë në jug të Shqipërisë dhe na ka pëlqyer shumë . Asnjëhreë nuk kishim qenë në veri të Shqipërisë dhe prandaj po shikoja në rrjete sociale, disa vende fantastike këtu dhe menjëherë i thashë të dashurit tim që duhet të vijmë me patjetër. Çdo gjë është shumë e bukur.”-shprehet një turiste.

Këtë sezon dimëror në Theth janë të hapura mbi 20 bujtina që ofrojnë shërbim pa ndërprerë për të gjithë turistët.