Thirrja e psikiatres: Policët të kontrollojnë rregullisht shëndetin mendor

Psikiatrja Irena Thoma tha për “SOT” në Euronews Albania se doza e mjekimit që ka përdorur Ledian Zaimi, polici që vra të hënën kolegun e tij, ishte minimale.

Ajo sqaroi se ato lloj ilaçesh përdoren për probleme osikotike dhe çrregullime të gjumit.

Psikoedukimi ishte thirrja e Thomës. Ajo theksoi se duhet të kuptojmë shkaqet e problemeve dhe të kujdesemi për shëndetin mendor, para se të agravojë.

Konkretisht psikiatrja apeloi që efektivët të bëjnë kontrolle periodike të shëndetit mendor, pasi stresi dhe ngarkesa e tyre në punë duhet balancuar me vizita te mjekët specialistë.

“Është pikërisht stigma ose diskriminimi që i bën njerëzit të hezitojnë,” – tha Thoma, ndërsa theksoi se është pikërisht ky fenomen që i pengon njerëzit të marrin vendimet e duhura sa i takon kontrollit të shëndetit mendor, njësoj si kontrollit të shëndetit fizik.

LEXONI GJITHASHTU:

• Ekskluzive| Momenti kur efektivi qëllon për vdekje kolegun brenda komisariatit