Kur ka vetëm disa ditë nga mbyllja zyrtarisht e kampionatit shqiptar, skuadrat kanë nisur lëvizjet e para, ndërsa ajo e cila i është future seriozisht kësaj gjëje është Tirana.
Ekipi bardheblu ka kryer vetëm 1 afrim në rolin e drejtorit sportiv, këtu bëhet fjalë për Agim Ibraimin. Sa i përket futbollistëve, deri më tani ka vetëm largime.
Pas Najdovskit, Hoxhallarit e Deliut, bardheblutë janë përshëndetur këtë të hënë dhe me 3 lojtarë të tjera. Patrik Robson, Lulaj e Abazaj nuk do të jenë më pjesë e skuadrës, ndërsa largimet janë konfirmuar nga vetë skuadra në rrjetet sociale.
Situata është tejet e paqartë në kampin kryeqytetas, ku mosarritja e objketivave solli dhe këto ndryshime, por dhe dëshira e lojtarëve për tu larguar. Lushkja është një tjetër emër që ende nuk dihet se ku do të jetë sezonin e ri, ndërsa interes për të kanë disa skuadra në superligë. Pjesa më e madhe e futbollistëve bardheblu nuk kanë garantuar qëndrimin në skuadër, ku në rast oferte pritet të largohen.
Deri më tani vetëm 6 emra janë konfirmuar, por në vijim priten dhe detaje të tjera.
