“Tirana më e dobët e 20 viteve të fundit”, Dabulla: Ekipit i mungon dhe lideri

I ftuar në emisionin Max Sport në Euronews Albania, ish-futbollisti i Tiranës, Rezart Dabulla, shprehu shqetësimin e tij për situatën e vështirë që po kalon ekipi kryeqytetas.

Ai e cilësoi këtë periudhë si krizë të paprecedentë, duke theksuar se ky është ndoshta ekipi më i dobët i 20 viteve të fundit.

“Tirana nuk ka qenë asnjëherë më e dobët se tani. Edhe në vitin 2017, kur ekipi ra nga kategoria, kishte më shumë pikë se tani. Fitoreja ndaj Bylisit është një hap i mirë, por një fitore nuk mjafton. Ndodh që ekipi shkundet kur vjen dikush i ri por duhet të ketë vazhdimësi në fitore. Prapë jemi aty në fund, por për të pasur një kthim të suksesshëm të Shkëmbit, ky sukses me Bylisin duhet të pasohet nga fitore të tjera, të dyta, të treta, të katërta, etj.”, tha Dabulla.

Ish-mbrojtësi i Tiranës gjithashtu theksoi mungesën e një lideri të vërtetë në skuadër, si dhe ndikimin e lojtarëve të huaj që nuk e njohin mirë kampionatin shqiptar.

LEXONI GJITHASHTU:

• “Serbia na motivon”, Alban Xhihani: Të gjithë besojnë te Kombëtarja
• Alliu: Pse futbollistët e kampionatit shqiptar po shiten në Ukrainë