Tirana ‘Qyteti europian i sportit’, Veliaj: Europa është destinacion brenda nesh

Pas takimit që pati me Papa Françeskun në Vatikan, kryetari i Bashkisë Tiranë Erion Veliaj dha një intervistë për televizionin italian TG3.

Ai foli për përvojën e Tiranës si kryeqyteti europian i rinisë për 2022-shin dhe për titullin e ri të cilin do të mbajë kryeqyteti shqiptar si ‘Qyteti europian i sportit’.

“Europa nuk është një destinacion jashtë nesh, por një destinacion brenda nesh. Ne kemi qenë një vend emigrantësh. Male njerëzish hipnin mbi anije për të ardhur këtu, kurse tani, prej më se 10 vjetësh kemi mikpritur opozitën iraniane. Vitin e kaluar mikpritëm afganët, kurse këtë vit ukrainasit. Ndaj, besoj se të gjitha vendet mund të ndryshojnë. Nëse ka ndryshuar Shqipëria pas regjimit të egër komunist, të gjitha vendet mund të ndryshojnë dhe të mirëpresin njerëz me dinjitet”, u shpreh Veliaj.

Veliaj ishte i ftuar në këtë vizitë nga Papa Françesku, në kuadër të ‘Vitit europian të rinisë’.

LEXONI GJITHASHTU:

• Këlliçi akuza Veliajt nga Kuvendi: Rriti 10 herë taksën e ndërtimit
• Kryetari më i mirë i Bashkisë Tiranë? Kë zgjedh Këlliçi mes Bashës, Ramës e Veliajt