Tirana shkarkon trajnerin Emmanuel Egbo

Eliminimi i Tiranës nga Kupa i ka kushtuar vendin e punës trajnerit Emanuel Egbo. Klubi bardheblu ka vendosur ta shkarkojë teknikun pas rezultatit zhgënjyes përballë Korabit.

Lajmi është bërë me dije nga vetë klubi i Tiranës përmes një postimi në Facebook ku bëhet me dije se vendimi për shkarkimin e Egbo vjen pas rezultateve jo të mira të skuadrës.

“Pas ecurisë jo të mirë të skuadrës në ndeshjet e fundit, Egbo nuk do të jetë më në krye të bardhebluve për shkak të rezultateve të munguara.

Klubi e falenderon për përkushtimin dhe sukseset e arritura, të cilat kulmuan me kthimin e titullit kampion në shtëpi.

Duke i uruar suksese në karrierën e tij, kampi i kampionëve i jep një meritë të vecantë të suksesit në sezonin e shkuar njëriut që prej vitesh ishte edhe do të jetë pjesë e familjes së bardhebluve. Faleminderit Egbo!”, thuhet në njoftimin e klubit.