Tiranë/ Gjendet thika me të cilën u vra 14-vjeçari

Gjendet thika me të cilën dyshohet se u vra 14-vjeçari M.C, të hënën e 18 nëntorit në kryeqytet, pas një sherri në shkollën “Fan Noli”. Burimet policore bëjnë me dije se arma e ftohtë është gjetur te “Unaza” pranë zonës së ish-ATSH-së, në Tiranë.

Gjykata e Tiranës dha sot masën e sigurisë “arrest me burg” për 14-vjeçarin e arrestuar si autor të vrasjes me thikë të Martin.C. Të dy ishin nxënës të shkollës “Fan Noli’ në Tiranë, pak metra larg së cilës 4 ditë më parë ndodhi vrasja.

Njoftimi i policisë

Në vijim të informacionit të dhënë për ngjarjen e ndodhur në afërsi të shkollës “Fan Noli”,  në afërsi të ATSh-së, në rrugën “Fadil Rada” është gjetur ditën e sotme mjeti prerës (thika) që autori dyshohet se ka përdorur gjatë ngjarjes.

LEXONI GJITHASHTU:

• Vrasja e 14-vjeçarit: Jepet masa për autorin, gjyqtarja ia komunikon në spital
• Masa e sigurisë për 14-vjeçarin që vrau bashkëmoshatarin, seanca mbahet në spital