Tiranë| I grabiti me dhunë telefonin 52-vjeçarit, arrestohet i riu zvicerian

Një 20-vjeçar zvicerian, është arrestuar këtë të hënë nga policia e Tiranës, pas përfshirjes në një grabitje me dhunë.

Sipas policisë, i riu ndoqi një 52-vjeçar dhe pas një konflikti fizik në rrugën e Barrikadave, i grabiti telefonin celular.

Grabitja ndodhi të dielën, ndërkohë që menjëherë pas marrjes së informacionit, Komisariati Nr. 3 organizoi operacionin për identifikimin dhe kapjen e autorit të dyshuar.

Pas identifikimit, policia mundi të lokalizonte të riun ku gjatë arrestimit iu sekuestrua dhe telefoni i vjedhur.

Materialet procedurale i kaluan Prokurorisë, për veprime të mëtejshme.

“Shërbimet e Komisariatit të Policisë Nr. 3, ditën e djeshme, pas informacionit të marrë se në Rrugën e Barrikadave, një shtetas, ka vjedhur me dhunë aparatin celular një 52-vjeçari, kanë organizuar punën për identifikimin dhe kapjen e autorit të dyshuar. Si rezultat i hetimeve të shpejta hetimore dhe profesionale të kryera nga specialistët për Hetimin e Krimeve të Komisariatit të Policisë Nr. 3 është lokalizuar dhe arrestuar shtetasin e huaj zvicerian J. K., 20 vjeç. Ditën e djeshme, ky shtetas ka ndjekur 52-vjeçarin gjatë kohës që po kthehej për në banesë, dhe pasi e ka ndaluar është konfliktuar fizikisht me të dhe i ka marrë aparatin celularin. Aparati celular u gjet gjatë kontrollit fizik të ushtruar ndaj 20-vjeçarit”, thuhet në njoftimin e policisë.

LEXONI GJITHASHTU:

• Shkoi të merrte vëllanë në aeroport, si ndodhi aksidenti i rëndë me 4 viktima
• Vrasja e Fatbardh Licit, Apeli i GJKKO-së lë në burg Safet Bajrin