Tiranë/ Vrasje në Komunën e Parisit, ndërron jetë i plagosuri pas goditjes me thikë

Në orët e drekës të kësaj të marte është raportuar për një ngjarje të rëndë në zonën e Komunës së Parisit në Tiranë, ku një person u plagos me thikë.

Ngjarja ka ndodhur pranë një kompleksi pallatesh, në ambientet e një lokali.

Pavarësisht ndërhyrjes mjekësore, mësohet se i plagosuri nuk ka mundur t’i mbijetojë plagëve të marra dhe ka ndërruar jetë në spital.

Policia ka bërë të mundur arrestimin e autorit të dyshuar dhe po punon për zbardhjen e plotë të rrethanave të ngjarjes.

I ndjeri quhet Indrit Salillari dhe autori i arrestuar Filip Shehu.