Tjetër sulm me raketa ruse në Odesa, vriten 3 persona

Komanda e forcave të operacioneve speciale të Ukrainës njoftoi sot se tre persona mbetën të vrarë dhe tre të tjerë u plagosën në sulmin me raketa balistike ruse në Odesa mbrëmë.

Nga ana tjetër, forcat e armatosura të Ukrainës shkatërruan dy sisteme raketore kundërajrore ruse “buk” në sektorin Sumy, sipas një postimi në Facebook, transmeton Ukrinform.

Ndërkojë, forcat e armatosura të Ukrainës kryen sulme me dronë në tre rajone ruse në orët e para të mëngjesit, njoftuan sot zyrtarët rusë. Mediat ruse raportuan se pas sulmit, një zjarr shpërtheu në një rafineri të naftës motorike në rajonin Ryazan, raporton Reuters.

Kanali rus Telegram Baza, i cili është i afërt me shërbimet ruse të sigurisë, konfirmoi se një sulm nga dronët ukrainas shkaktoi zjarr në një rafineri nafte në Ryazan. Kjo rafineri, e cila është në pronësi të Korporatës Rosneft, përpunon rreth 5.8 për qind të naftës totale të rafinuar në Rusi dhe ka qenë një objektiv i shpeshtë i sulmeve ajrore ukrainase, sipas Reuters.

LEXONI GJITHASHTU:

• Të paktën 16 të vrarë nga sulmet ruse në Odesa dhe Vinitsja
• Luftë dronësh Rusi-Ukrainë, vriten 10 persona në Odesa