Tokio dhe SHBA rrisin praninë ushtarake në rajon, shtojnë stërvitjet e përbashkëta

Tokio dhe Uashingtoni planifikojnë të rrisin praninë e tyre ushtarake në rajon dhe të përshpejtojnë stërvitjet e përbashkëta, tha Ministri japonez i Mbrojtjes, Shinjiro Koizumi, pas bisedimeve me homologun e tij amerikan, Pete Hegseth.

Ndërkohë, Ministri japonez i Mbrojtjes, Shinjiro Koizumi, theksoi se ai dhe Hegseth kishin rënë dakord gjithashtu për të rritur bashkëpunimin në mbrojtje, duke përfshirë ndarjen e të dhënave me aleatë si Koreja e Jugut, Australia dhe Filipinet.

“Forcimi i aleancës më të madhe në botë, aleancës japonezo-amerikane – para së gjithash kërkon përmirësimin e strukturës së komandës së ndërsjellë, rritjen e pranisë sonë të përbashkët, në rajonin Indo-Paqësor, dhe intensifikimin e stërvitjeve ushtarake”, tha ai.

Sakaq, Koizumi theksoi se këto ishin prioritetet e aleancës japonezo-amerikane që Forcat Japoneze të Vetëmbrojtjes dhe Forcat e Armatosura të SHBA-së do t’i zbatonin së bashku.

LEXONI GJTIHASHTU:

• Trump: Me Japoninë kishim një konflikt të vogël, tani jemi miq të ngushtë…
• SHBA dhe Japoni nënshkruajnë marrëveshje për mineralet e rralla